Eich Ymweliad

Mae’r Tŷ Dawns bob amser yn fwrlwm o weithgarwch o greu ac ymarfer repertoire Cwmni Dawns Cenedlaethol Cymru, i amrywiaeth o weithgareddau cyfranogol.

 

Tŷ Dawns

Canolfan Mileniwm Cymru,

Stryd Pen y Pier,

Bae Caerdydd,

CF10 4PH

 

Ymweld â ni
Edrychwn ymlaen at eich croesawu i'r Tŷ Dawns.

Os ydych yn dod i berfformiad yn y Tŷ Dawns, gellir archebu a chasglu’r holl docynnau o swyddfa docynnau Canolfan Mileniwm Cymru sydd yn daith gerdded fer i ffwrdd o’r Tŷ Dawns.

Mae drysau yn y Tŷ Dawns yn agor 20 munud cyn amser cychwyn y sioe. Oherwydd natur glos y Tŷ Dawns, ni fydd y rhai sy’n cyrraedd yn hwyr yn cael eu gadael i mewn mwy na 15 munud ar ôl dechrau'r perfformiad.

Mae gennym lolfa fechan, ond nid oes cyntedd neu gyfleusterau lluniaeth, er bod gennym bellach far dros dro ar gael yn y rhan fwyaf o berfformiadau gyda’r nos. 

Mae digon o luniaeth ar gael yng Nghanolfan Mileniwm Cymru neu mewn sawl lle ym Mae Caerdydd.

Mae croeso i chi gysylltu â ni os ydych yn newydd i'r ardal ac yr hoffech wybod mwy!

Lle rydym ni

Rydym yn sefydliad preswyl yng Nghanolfan Mileniwm Cymru ynghyd ag Opera Cenedlaethol Cymru, Cerddorfa Genedlaethol Cymru y BBC, Touch Trust, Tŷ Cerdd, Llenyddiaeth Cymru, Hijinx a’r Urdd. Mae'r Ganolfan yn ganolbwynt creadigol lle rydym yn creu gwaith unigol ac yn cydweithio ac yn bartneriaid ar ddarnau eraill o waith. Gallwch ddod o hyd y ni y tu ôl i Ganolfan Mileniwm Cymru ar Stryd Pierhead, dros ffordd i Gynulliad Cenedlaethol Cymru.