Elli Chapman

Rydym yn drist iawn wedi ni glywed am farwolaeth annisgwyl Eleanor Chapman, a adnabyddir fel Elli.

Roedd Elli yn un o ymddiriedolwyr Cwmni Dawns Cenedlaethol Cymru ers sawl blwyddyn, ac roedd yn hynod hael wrth rannu ei dealltwriaeth a brwdfrydedd arbennig dros y celfyddydau a phobl ifanc. Gyda brwdfrydedd heintus a gallu i rannu ei hysbryd meithringar, helpodd i lywio ein gwaith mewn sawl ffordd. Byddwn i gyd yn ei cholli hi a’i doethineb yn arw.

Roedd rhai ohonom wedi’i gweld ychydig ddyddiau’n ôl yng Ngŵyl y Dyn Gwyrdd, lle’r oedd hi wedi Cynhyrchu Gardd Einstein. Roedd  y ffaith ei bod mor ysbrydoledig yn deyrnged i’w chreadigrwydd a’i dychymyg, yn llawn syniadau newydd a ffyrdd newydd o gysylltu pobl ifanc â gwyddoniaeth a chreadigrwydd.

Rydym yn anfon ein cydymdeimladau dwysaf at ei theulu, ffrindiau a chydweithwyr ledled yr holl sefydliadau amrywiol yr oedd hi ynghlwm â nhw, a oedd yn adlewyrchiad o’i llu o ddiddordebau, ei charedigrwydd a’i gwybodaeth eang. Mawr yw ein dyled a’n diolch iddi.