Jo Fong: Comisiwn Ymchwil Artistiaid

Rydym wrth ein bodd yn croesawu Jo Fong yn ôl i Gwmni Dawns Cenedlaethol Cymru'r wythnos hon ar gyfer ein Comisiwn Ymchwil Artistiaid cyntaf, a gefnogir gan Ymddiriedolaeth Elusennol Garrick. Mae’r comisiynau hyn ar gael er mwyn i artistiaid ymchwilio i arfer a chysyniadau o fewn cyd-destun penodol cwmni dawns repertoire, ac i ddyfnhau eu perthynas greadigol â chwmni.

“Mae Jo yn rhan o etifeddiaeth greadigol y cwmni, mae’n bleser gennyf ei chroesawu yn ôl ar gyfer y Comisiwn Ymchwil Artistig cyntaf hwn. Mae ARC yn creu’r amodau ar gyfer cymryd risgiau artistig, gyda phob comisiwn yn cael ei siapio mewn deialog gyda’r artist sy’n ymgysylltu. Fy ngobaith yw eu bod yn gweithredu fel catalydd ar gyfer deialog artistig ac arloesedd.”

“Dawnsio symud gwrando.”

“Mae wedi bod yn sbel ers i mi fod yn y stiwdio gyda Chwmni Dawns Cenedlaethol CYMRU. I mi mae'n gyfle i ail-gyfarfod, ail-gysylltu â'r dawnswyr trwy fy ymarfer creadigol. Dydw i ddim yn gorgynllunio, byddaf yn gwneud, yn chwarae, yn chwilota, yn gweld a oes rhywbeth yn digwydd sy'n fy ysbrydoli, gweld a ddaw hedyn i'r amlwg y byddwn efallai am ei godi yn ddiweddarach ar hyd y daith. Rwy'n falch iawn fy mod yn gallu dod â rhai gwesteion gyda mi ar gyfer y diwrnod cyntaf. Am dda."

Mae ARC (comisiynau ymchwil artistiaid) yn rhan o'n rhaglen datblygu artistiaid aml-faes CHWARAE – i'w datgelu yn ddiweddarach eleni.

Fel cwmni dawns repertoire, mae PLAY yn ceisio dyfnhau deialog Cwmni Dawns Cenedlaethol Cymru ag ecoleg ddawns ryng-gysylltiedig Cymru trwy raglen waith esblygol dros y blynyddoedd i ddod.